內憂嚴重皇馬追唔過 皇家馬德里的荷蘭國腳雲尼斯達羅因舊患復發要到美國做手術，開季不久就宣佈長休。少咗呢位射手，皇馬餘下球季要應付聯賽同埋歐冠盃，只係靠希古恩、魯爾同埋沙維奧拿真係好唔夠。從近期戰績所見，皇馬確係處於水深火熱，聯賽表現反覆，西班牙盃又剛剛比丙組球隊淘汰，打擊真係唔少，更弊係教練蘇斯達失人心，球員不滿，據聞球會已搵定人接替“阿蘇”，咁嘅情況，皇馬短期內嘅表現都會好受影響。 今晚西甲賽事，皇家馬德里要作客華拉度列，初盤皇馬要贏半球，都幾有冷味。要知道，近日皇馬的更衣室氣氛好差，上下不同心，球員質素幾好都冇用，何況今仗對手華拉度列係不折不扣的“地頭蟲”，今季五場主場錄得三勝一和一負入八球失五球，攻守算平衡，至於皇馬的作客賽事與對手的主場戰績一樣，拉上補下，皇馬真係無乜甜頭，尤其連場失波的防線更係問題所在，所以作客贏波點信得過。 推介：皇家馬德里和1：1