阿仙奴今晚主場迎戰阿士東維拉，客軍近十五次作客「兵工廠」未贏過，畀對手恰死下冇運行，主W1.48倍咪嫌少。維拉兩名主力卡維同艾舒利楊格都身有微傷，今晚就算出得都未有十足狀態，而主隊拿斯尼、及禾確特大勇，小組入楔剋死客軍粗枝大葉後防。（now 632周六晚11時直播）
阿仙奴周中雖要踢聯賽盃，但雲格以「小虎隊」應戰，最後以三比○大數韋根，而球隊上仗聯賽雖有艾迪巴約缺陣，但仍能二比一殺退曼聯，目前「兵工廠」士氣一流，再於阿聯酋航空球場出戰，可謂信心十足。阿仙奴近六主場四勝二和，兩場和波�跚蜿牶诎灯诔霈F，依家班波打番順，可再打出流暢小組入楔，維拉後防拿臣、古拿等轉身緩慢，好難頂得住對手。呢場主隊殺手艾迪巴約上陣機會雖只有五十五十，但都夠贏對手。

做足15年槍靶

維拉上一次作客贏阿仙奴已經係93/94年球季，距今足足有十五年時間。上仗卡維同艾舒利楊格都因傷缺陣，今仗狀態成疑，前線威力減弱，輸波機會更高。