今晚意甲獨腳戲，「傻豹」巴勒莫主場迎戰國際米蘭，巴勒莫聯賽主場五戰贏四次，唯一敗仗輸畀費倫天拿全因球證誤判所致；國米近期有跌Watt象，今仗作客讓波非常兇險，細鬼認為「讓球主勝」捧得過。（有線體育台62周日凌晨3時30分直播）

　　巴勒莫今季踢十一場聯賽，取得五勝一和五負，當中有四場贏波來自主場，主強客弱特性相當明顯，佢今季主場唯一敗仗係上月尾輸畀費倫天拿，不過當時對方射手基拿甸奴先開紀錄一球明顯犯手球，事後佢亦受到足總秋後算帳被罰停賽。「傻豹」輸波只可怪球證未能明察秋毫，既然佢有力擊敗羅馬及熱拿亞等中游球隊，主場威力自然不能小覷。巴勒莫自知作客唔掂，故此每次主場比賽都分外搏命，前鋒米高利能傳善射，配合今季已入四球�鳛趵�圭射手卡雲尼，絕對有力威脅國米防線。

　　國米近況一般

　　國米目前雖然以得失球較佳力壓祖雲達斯排榜首，但近期表現冇咩說服力，好似上周主場對烏甸尼斯要踢至補時先由告魯斯頂入全取三分，近三場作客亦先後打和安羅科薩斯及費倫天拿，唯一贏波場亦係靠補時入波擊敗里賈納。練莫連奴早前批評同鄉哥利斯馬表現不濟，同時又盛傳佢同巴西前鋒阿祖安奴鬧不和，以佢近期水準，作客巴勒莫冇十足贏波把握。