16/11/2008文： 笛子波童
今晚法甲爆發大戰，里昂主場迎戰波爾多，為準備今場硬仗，兩者上周中法聯盃分別收起賓施馬及哥古夫，結果勝負迥異，里昂主場爆冷輸畀乙組仔梅斯，今季主場首嘗敗績，相反波爾多大勝甘岡四比二，連贏三場，狀態及信心似乎較主隊佳，不過里昂近季專踢硬仗，上季聯賽兩循環曾兩勝波爾多，令今仗增添不明朗因素。
賓施馬哥古夫鬥轟
睇番兩隊近年交手，除盃賽大家比較謹慎，其餘聯賽碰頭都不乏大手交易，賓施馬、哥古夫係今季聯賽最有入球能力同最具創造力進攻球員，既然兩者都抖夠，今晚同場較量唔慌冇波入，捧「大」數。
用户名
密码
登陆
