侯城曼城和氣收場 英超升班馬侯城季初表現唔錯，曾經入前列位置，更一度上過榜首，作客打敗阿仙奴更被譽為“神奇升班馬”。雖然近三戰全敗，但唔好忘記，其中兩場輸畀車仔和曼聯兩支班霸，絕對無話可說。總括成績，侯城比起雷聲大雨點小的曼城還要好，兩隊今晚碰頭，初盤開平手，要揀一隊，必選侯城，一比一波膽都有肉食，不妨投資些少。 記得侯城三比四輸畀曼聯，班波真係踢得唔差，至少能夠攻入曼聯三球，前鋒線點都有料到。雖然整體質素及技術屬一般，但球員拼勁、鬥心加爛打，足以令對手陷於苦戰。其實相比之下，與曼城唔會有太大差距，和波最合理。 同樣都係三連敗，曼城近況亦唔好得幾多，作客戰績亦一無是處，近五場兩和三負，甚至在聯賽盃都輸畀低兩個級別的英甲球隊白禮頓，認真“門口狗”得可以。所以攻強守弱球隊就有呢個弊病，只要睇死一個羅賓奴，就可以減低曼城五成殺傷力，都係嗰句，侯城坐和望贏。 推介：和波1：1